hvalveiðar og fótbolti…

Djöfull fer í mig þessi endalausa umræða sem þessar blessuðu hvalveiðar skapa útaf afskiptasemi dýraverndunarsinna. Hvað í andskotanum er svona sérstakt við þessa helvítis hvali? Þeir eru ekki í útrýmingarhættu, þeir eru fyrir neðan okkur í fæðukeðjunni og gera andskotann ekki neitt nema að éta frá okkur dýrmætan fisk (eða fæðu frá þessum dýrmæta fisk). Af hverju eru þessir dýraverndunarsinnar ekki á Indlandi að aðstoða þarlend stjórnvöld í aðgerðum gegn veiðiþjófum, sem eru í leyfisleysi að útrýma fágætri tígrisdýrategund þar. Eða í Kína þar sem pöndur eru í útrýmingarhættu. Fjölmargar þjóðir gagnrýna Ísland og fleiri lönd fyrir það að stunda hvalveiðar í vísindaskyni… Ég bara skil ekki af hverju það má veiða þorsk en ekki hrefnu? Sá á mbl.is svar Árna Mathiesen sjávarútvegsráðherra við gagnrýni utanríkisráðherra Ástralíu þar sem hann var að gagnrýna Íslendinga fyrir hvalveiðar. Gott þetta Árni! Ég stend 100% með hvalveiðum og sé ekkert að því að veiða þessi dýr þar sem nóg er af þessu í sjónum… varð að koma þessu frá mér 🙂

Sá að Liverpool var ekki að gera góða hluti í Meistaradeildinni á þriðjudaginn… tapaði fyrir CSKA Sofia 0 – 1 á Anfield! Hvaða crap var það… sá reyndar ekki leikinn og mér er nokkuð sama þótt þeir séu komnir áfram, ég hafði nú allavega búist við því að þeir ynnu eða gerðu jafntefli á heimavelli… alls ekki sniðugt :-/ en já, er einmitt í stórskemmtilegum leik með nokkrum vel völdum einstaklingum á draumalid.is þar sem ég er nú ekki alveg að gera nógu góða hluti. Er einhverjum 130 stigum á eftir efsta manni sem þarf endilega að vera Aron caz… ég kenni óförum í fyrstu umferð fyrir þessa hörmung en þá fengu 2 menn í mínu liði rautt spjald… -100 stig þar takk fyrir. Og hvaða rugl er það hjá þeim að hafa leikina sem voru á þriðjudag og miðvikudag ekki með? Ég væri í góðum málum ef þeir væru teknir með 😉

En jæja… ætla að fara að kalla þetta gott, kominn tími á smá svefn…

P.s. Það er farið að kólna í borg óttans