gaman að þessum sem eyða millum í flugelda ;)Þá fer nú að styttast allverulega í áramótaballið sem haldið verður í Týsheimilinu og er það nú komið á hreint að Unnar Gísli mun þeyta skífum á staðnum en einnig munu peyjarnir í Made in China spila eitthvað, samt ekki mikið. Þannig að ég held að það sé ekki spurning að maður bara skellir sér í Týsheimilið í kvöld þar sem mér líst mun betur á Unnar en Dans á Rósum í Höllinni 😉

En ég gæti ímyndað mér að þetta yrði einhvernveginn svona á þessum 2 stöðum:

Höllin: Aldurstakmark 18 ár. Opnar í kringum 1 og fólk fer strax að streyma inn. Gamalt lið sem er búið að vera fullt síðan í hádeginu í gær. Svo fara hinir að láta sjá sig… sem hafa fengið sér 2 kampavínsglös til að fagna nýju ári og hljómsveitin Dans á Rósum byrjar að spila um svona hálf 2 – 2.

Verð: Ég myndi giska á svona 2000 kall (þetta venjulega hallarverð)

Týsheimilið: Aldurstakmark 16 ár. Opnar í kringum 1 og fólkið fer að láta sjá sig í kringum það leyti. Held að Made in China byrji að spila þannig að maður getur fengið sér 1 – 2 bjóra fyrir utan á meðan eða bara taka sénsinn og fá sér þá heima 😛 Gæti trúað að það verði fínasta stemmning þarna þar sem Unnar er þekktur fyrir allt annað en að spila leiðinlega tónlist. ALLIR AÐ MÆTA 😉

Verð: Vonandi 1000 kall en ætli þeir setji ekki 1500 kall á þetta.

En já, nú voru brennur og flugeldasýningar að ljúka og er fínt að búa hérna á Brimhólabrautinni þar sem við þurfum ekki að fara neitt til að sjá brennuna hjá Björgunarfélaginu 😉 Fínasta brenna og ágætis flugeldasýning. Allavega… ég er farinn að gera mig kláran fyrir matinn og svona.

Sjáumst á áramótaballinu!

Skemmtileg staðreynd: Í Brasilíu fagna menn jólunum með flugeldum.